Passio Jumat Agung ( bahasa Toba)

download file wordnya di sini

PASSIO  JUMAT NA BOLON                                                                          Joh 18:1-19:42

Siingoton:

Pr.: Parbarita

Jhd : Angka Jahudi

Ptr: Petrus

Js.: Jesus

Ls   : Silatus

Tatangihon ma barita sitaonon ni Jesus Kristus mangihuthon si Johannes:

Pr.     Barita ni sitaonon ni Jesus Kristus mangihuthon si Johannes. Dia na sadari ruar ma Jesus rap dohot angka siseanNa taripar ni aek Kidron. Adong ma disi sada porlak, tu si ma laho Ibana dohot angka siseanNa i. Alai diboto si Judas parjehe i inganan i, ai jot-jot do marpungu tu si Jesus dohot angka sisean-Na. la si Judas i, diarahon ma angka soldadu dohot angka naposo ni sintua ni malim, didapothon ma tu si mantat sulu-sulu, palito dohot sinjata, diboto Jesus do saluhutna na naeng songgop tu Ibana, jala ruar ma Ibama didok ma tu nasida:

Js.     Ise na nijalahan muna i?

Jh.     Jesus, halak Nasaret i do.

Pr.     Dungi ninna Jesus ma mandok nasida:

Js.     Ahu do I

Pr.     Alai dohot si Judas si parjehe i, jongjong di lambung nasida. Asa dung didok tu nasida Ahu do i, sumurut ma nasida, angka martinggangan ma tu tano. Dung i diulahi Jesus ma manungkun nasida:

Js.     Ise do na jinalahan muna i?

Pr.     Jadi didok nasida ma:

Jh.     Jesus halak Nasaret i do.

Pr.     Dung i ninna Jesus ma mangalusi:

Js.     Nunga Hupaboa tu hamu Ahu do i, asa molo Ahu dilului hamu, loos hamu ma laho angka on.

Pr.    Ai naeng do jumpang hata na nidok-Na i, ndang adong mago Hubahen agia sada sian angka

nanilehonMi tu Ahu. Anggo si Simon Petrus marpodang do, i ma disintak jadi ditampulhon ma tu naposo ni sintua ni malim i, jadi dipisikhon ma pinggolna siamun. Si Malkus do goar ni naposo i. Dung i ninna Jesus ma mandok si Petrus :

Js.      Pasarung podangmi, nda inumon-Ku sunumon ni lehon niAma i tu Ahu?

Pr.     Dung i ditangkup angka soldadu dohot induk nasida ro diangka naposo ni Jahudi ma Jesus, jala dirahuti.Jadi ditogihon ma Ibana jumolo tu si Annas, i ma simatua ni si Kayapas, sintua ni malim dinasaton i. Ima si Kayapas naung mandok tu angka Yahudi, dengganan do mate sada halak humophop bangso i. Alai diihuthon si Simon Petrus, dohot sisean na sada nari ma Jesus. Na marsitandaan sisean na sada dohot sintua ni malim i, jala bongot ma ibana rap dohot Jesus tu alaman ni malim i. Alai jong-jong do si Petrus, tar tungkan balian di lambung pintu i. Jadi ruar ma sisean na sada i, na masintandaan dohot sintua ni malim i, manghatai dohot boru-boru si jaga pintu. Gabe ditogihon ma si Petrus tu bagasan. Dung i ninna boru-boru i ma mandok si Petrus:

Jh.     Nda ho, sada sian angka sisean ni halak an?

Pr.     Jadi didok ma:

Ptr.    Ndang i ahu.

Pr.      Alai na jongjong di si angka naposo, dohot angka opas mansusudu, dipansusuduan na ni opan nasida dipabahen ngalina i. Jadi rap dohot nasida ma jongjong si Petrus di si mansusudu. Alai disungkun sintua ni malim ima Jesus, taringot tu siseanNa dohot taringot tu podana. Jadi dialusi Jesus ma ibana ninna ma:

Js.    Patar do hatang-Ku di si hatoropan, na tongtong do Ahu mangajari na sailaon, di bagasan parguruannang di bagasan joro pe, parpunguan ni saluhut Jahudi ndang adong manang aha Huhatahon marsibuni. Boasa Ahu disungkun ho? Nasida naung umbege hatang-Ki i ma sungkun, ai diboto nasida do na Huhatahon i.

Pr.     Dung didok Jesus songon i dipastap sada opas na jongjong disi ma Ibana, huhut ma didok:

Jd.     Songon i do pangalusiM di sintua ni malim i?

Pr.     Dungi ninna Jesus ma mangalusi ibana:

Js.  la na hurang na Hudok, hajongjonghon hurangna, alai anggo na hona do, boasa pastamonmu Ahu?

Pr.   Asa disuru si Annas ma Ibana naung tinali i tu sintua ni malim si Kayapas. Laos jongjong dope disi si Simon Petrus mansusudu, gabe didok nasida ma mandok ibana:

Jd.     Nda dohot ho sada sian sisean-Na?

Pr.     Jadi mamorso ma ibana ninna ma:

Ptr.    Nda tung i ahu.

Pr.     Dung i didok sahalak naposo ni malim, sisolhot ni nampuna pinggol na pinisikhon ni si Petrus i ma:

Jd.     Nda huida ho rap dohot Ibana di porlak i?

Pr.    Jadi diporso si Petrus ma muse, dung i pintor martahuak ma manuk. Asa ditogihon nasida ma Jesus sian jolo ni ni si Kayapas tu kantor. Alai sogot ma manogot i. Ndang na bongot anggo nasida tu kantor, asa unang tarsubang nasida laho manganhon paska i. Gabe ruar ma si Latus mandapothon nasida didokma:

Ls.     Pangaluan dia do, dibahen hamu dompak halak an?

Pr.     Dungi ninna nasida ma mangalusi:

Jh.     Aut unang sibahen na jahat halak an, ndang tagamon pasahaton nami Ibana tu ho.

Ls.     Boan hamu ma Ibana uhumi hami ma Ibana marguru tu adat muna.

Pr.     Alai ninna angka Jahudi ma mandok ibana:

Jd.     Ndang jadi pusaon nami manang ise.

Pr.     Jumpang ma disi na nidok ni Jesus, uju pinaboana i hian pangalaho ni parmatena. Jadi

dibongoti si Latus ma muse kantorna, dijou ma Jesus didok ma tu Ibana:

Ls.     Atehe, Ho do raja ni Jahudi?

Pr.     Ro ma alus ni Jesus:

Js.     Na sian roham do na nidokmi, manang na nidok ni halak do i tu ho taringot tu Ahu?

Pr.     Gabe dialusi si Latus ma:

Ls.    Ai halak Jahudi do ahu? BangsoM dohot angka sintua ni malim do, pasahathon Ho tu ahu, aha do nabinahen-Mu?

Pr.     Jadi dialusi Jesus ma:

Js.    Ndang sian partibi on harajaon-Ku. Aut sian portibi on harajaon-Ku, ndang tarbahen so

mangalo angka Naposong-Ki, asa unang sahat Ahu tu angka Jahudi, alai ndang sisongon i harajaon-Ku.

Pr.     Dung i ninna si Latus ma mandok Ibana:

Ls.     Asa Raja do Ho?

Pr.     Jadi ninna Jesus Ma managalusi:

Js.    Songon na didokmi ma tutu, Raja do Ahu. Umbahen tubu Ahujala umbahen na ro Ahu tuportibi on, asa Huhatindanghon hasintongan L Ganup na sian hasintongan i, tangihonnon ni i do saoarang-Ku,

Pr.     Jadi ninna si Latus ma mandok Ibana:

Ls.    Aha ma hasintongan i?

Pr.     Jadi dung didok si songon i, ruar ma ibana muse manopot angka Jahudi mandok tu nasida.

Ls.     Ndang junpang ahu manang dia salana. Alai tahe somalna hupalua sada halak tu hami jumpa paska i. Anggo nalehet do di rohamuna, hupalua ma Raja ni Jahudi i tu hamu?

Pr.     Gabe dijouhon nasida ma muse: Jd.       Unang Ibana, si Barabas ma.

Pr.     Alai partodos do anggo si Barabas. Dungi ditogu si Latus ma Jesus, didokhon ma linsingan. Jadi didandani angka soldadu ma sungsang duri bahen tumpal, diampehon ma i tu ulu-Na. Baju dapdap ma dialithon tu daging-Na. Dungi ro ma nasida tu jolona mandok:

Jd.     Tabi di Ho, ale Raja ni Jahudi.

Pr.     Laos dipastapi ma Ibana.

Marende.

Pr.     Dungi ruar ma muse si Latus, didok ma tu angka Jahudi:

Ls.     Ida hamu ma, hutogihon Ibana tu jolo muna, asa diboto hamu na soadong jumpang ahu salaNa.

Pr.     Laos ruar ma Jesus manjujung sungsang duri, jala marbaju dapdap. Jadi didok si Latus ma tu nasida:

Ls.     Ida hamu ma jolma i.

Pr.     Asa dung diida angka sintua ni malim, dohot angka naposo Ibana, dijouhon nasia ma:

Jd.     Parsilangkon, parsilangkon ma Ibana.

Pr.     Dung i didok si Latus ma tu nasida:

Ls.     Boan hamu ma Ibana, parsilangkon hamu ma, ai ndang jumpa ahu salaNa.

Pr.     Gabe dialusi angka Jahudi ma ibana ninna ma:

Jd.     Marguru tu patik nami, ingkon marutang hosa Ibana, ai dibahen i Dirina Anak ni Debata.

Pr.     Umbege i si Latus, lam ganda ma biarna. Dung i diulahi muse tu kantorna, didok ma tu Jesus:

Ls.     Sian dia do Ho?

Pr.     Alai ndang dialusi Jesus ibana. Dung i didok si Latus ma tu Ibana:

Ls.   Ndang angkupan-Mu ahu manghatai? Ndang diboto Ho marhuaso ahu paluahon-Ho, jala marhuaso parsilangkon Ho?

Pr.     Jadi dialusi Jesus ma:

Js.    Ndang adong huasom mangago Ahu, out unang dtiehon i tu ho slan ginjang. Dibahen i, gumodang do dosa ni na pasahthon Ahu tu ho.

Pr.   Jadi olat ni i dilului si Latus ma dalan paluahon Ibana. Alai manjou-jou ma angka Jahudi ninna ma:

Jd.  Molo dipalua ho on, ndang ale-ale ni Kesar Ho. Ai na mangalo Kesar, i do ganup na mambahen dirina raja.

Pr.    Asa dung dibege si Latus hata i, ditogihon ma Jesus haruar, laos hundul ma ibana di bagas

paruhuman, na diinganan na margoar pantar batu, alai anggo di hata Heber: Gabbata. I ma  masa di ari parhobason Paska mareak hos ni ari. Dung i didok ma tu angka Jahudi:

Ls.     Ida hamu ma Raja muna.

Pr.     Alai digogo nasida ma manjou-jouhon:

Jd.     Padao, padao ma i, parsilangkon ma Ibana.

Pr.     Dung i didok si Latus ma tu nasida:

Ls.     Parsilanghononku ma raja muna?

Pr.     Jadi dialusi angka sintua ni malim ma:

Jd.     Ndang adong raja nami, dungkon ni Kesar i.

Pr.     Dung i dipasahat ma Ibana tu nasida, asa diparsilangkon, jadi dijalo nasida ma Jesus. Laos Ibana do mamorsan hau pinorsilang i, laho tu inganan na margoar partangkurahan. Golgota do goama anggo di hata Heber. Di si ma diparsilangkon nasida Ibana rap dohot dua halak na asing dilambung-Na, angkup be.Di tonga-tonga ma ia Jesus. Alai di surat si Latus ma sada boa-boa, dipalohot ma i tu hau i, on do hatana: Jesus halak Nasareth, Raja ni Jahudi. Jadi torop ma halak Jahudi na manjaha boa-boa, ai jonok do tu huta i hapajalan ni Jesus. Jala tarsurat do i di hata Heber, di hata Rom dohot di hata Gorik. Dung i didok sintua ni angka Jahudi ma tu si Latus:

Jd.     Unang surat i Raja ni Jahudi, alai na nidoNa i ma nian, Ahu do Raja ni Jahudi.

Pr.     Dung i, dialusi si Latus ma:

Ls.     Nahusurat i, naung sinurat i do.

Pr.     Asa dung diparsilangkon angka soldadu i Ibana, dibuat nasida ma abit-Na sude, dibagi opat mai, ganup soldadu sabagian be, dungkon i sampe-sampe-Na. Anggo sampe-sampe i, ndang marpanjaruman, na ditonun sambing do i. Gabe marsipandohan ma nasida:

Jd.     Unang ma taribahi on, martondung ma hita taringot tusi, manang na di ise i.

Pr.     Jadi jumpang ma surat na mandok: ":Dibagi nasida do abit Hu, tondung do didabu taringot tu sampe-sampe-Ku. Asa songon i do pambahenan ni angka soldadu. Dung i jongjong ma dilambung ni Jesus na di huapinorsilang i ina-Na dohot pariban-Na, dohot si Maria ni si Kleopas dohot si Maria Magdalena. Anggo Jesus, dung diida disi ina-Na , dohot sisean haholongan ni rohana di lambung, didok ma tu ina-Na i:

Js.      Ndi ma inang anakmi.

Pr.     Dung i didok ma tu siseanNa i:

Js.     Ndi ma, inang mi

Pr.     Jadi olat ni i ma dijangkon sisean i ibana tu jabuna jadi dung di boto Jesus naung marujung saluhutna, asa jumpang na tarsurat i ninna ma:

Js.     MauasAhu.

Pr.     Jadi adong ma di si isian ni tuak na asom, jadi dibutongi nasida ma limut tu bagasan tuak na asom i, dipalohot ma i tu tolong laho manurdukhon tu pamangan-Na. Jadi dung dijalo Jesus na asom i ninna ma:

Js      Nunga marujung.

Pr      Dung i dipaunduk ma uluNa, pasahathon TondiNa.

Sude marsinggang, dung i marende.

Pr.   Alai tongon ari parhobasan ni pesta na balga, naeng ma unang di hau pinorsilang angka bangke di arisabat i, alani dipangido angka Jahudi ma tu si Latus asa disuru mangaropk hae-hae nasida, jala dipaijur. Gabe ro ma angka soldadu i, diropuk ma hae-hae ni na parjolo i, songon i do donganna na rap tarsilang i dohot Jesus. Alai dung sahat nasida tu Jesus, diida ma naung sanga mate Ibana, gabe ndang diropuk be hae-haeNa. Alai ditullanghon sada sian angka soldadu i ma, mundi-mundina tu andora ni Jesus, jadi manigor haruar ma sian i mudar mardongan aek. Na mamidasa i do manghatindanghon i, jala sintong do na hinatindanghon na i. Ibana do umboto sintong ni na nidokna i, asa anggiat dohot hamu porsea. Ai na masa do i asa jumpang tarsurat i na mandok: Ndang jadi pongol holi-holi-Na. Jadi surat na asing mude mandok: Berengon nasida do na tinullang nasida i. Dung salpu i dipangido si Josep na sian Arimatea ma tu si Latus paijuronna bangke ni Jesus. Sisean ni Jesus do ibana, alai marsibuni do ala biarna mida angka Jahudi. Jadi dioloi si Latus ma i. Dung i ro ma ibana, dipaijur ma bangke-Na.

Alai ro ma nang si Nikodemus, i ma na ro manopot Jesus borngin-borngin na jolo, diboan ma mir na marsaor alu arga saratus hati. Dung i dibuat nasida ma bangke ni Jesus, dibaluti ma tu dagangan rap dohot na hushus i, mangihuthon adat ni pananoman di Jahudi. Alai adong ma jonok tu hapajalanna i sada porlak, jala di bagasan porlak i, adong do sada tanoman na imbaru na so dung hapeahan ni manang ise dope. Asa tu si nama dipeakhon nasida Jesus siala ari parhobason ni jahudi ai jonok do tanoman i.

Songon i ma Barita Sitaonon ni Jesus Kristus napinatolhas tu hita sadari on.